Avval xabar berganimizdek, 29-aprel kuni dizaynerlar Arik Sni va Jastin Krou inson qo‘li ko‘rinishidagi selfi tayoqni taqdim etdi. TJournal yozishicha, bir necha soatlar ichida ixtiro haqida dunyoning mashhur OAVlari turli fikrlar bildirishga ulgurdi.
Jumladan GQ sun’iy qo‘l terisi rangi ustidan kulgan va uni zombining qo‘liga o‘xshatgan.
Mashable esa selfi-qo‘l uning egasini selfi tayoqdan ham ko‘ra ayanchliroq qilib ko‘rsatishini ta’kidladi.
BuzzFeed va The Next Web nashrlari agar selfi-qo‘l sotuvga chiqsa, oddiy qora rangdagi yengli variant bilan cheklanib qolmasligiga umid qildi.
Eslatib o‘tamiz, yolg‘iz foydalanuvchilar uchun mo‘ljallangan yangi qurilma prototipi shisha tolali materialdan tayyorlangan.
Ixtirochilarning g‘oyasiga ko‘ra, “selfi-qo‘l” boshqalarda surat muallifining do‘stlari bordek tasavvur uyg’otadi. Qurilma yaqin do‘st, qarindosh va insonning sevgan kishisi qo‘lini ifodalashi mumkin. Mualliflarning qayd etishicha, hech kim avtoportret olayotganda yolg‘iz ko‘rinishni istamaydi.
Izoh (0)