Қозоғистон ҳукумати истеъфога чиққанлиги ҳақида мамлакат бош вазири Карим Масимовнинг матбуот хизматига таяниб, ТАСС хабар қилмоқда.
«Ҳукумат вакиллари мамлакат раҳбари сифатида қайта сайланган Нурсултон Назарбоевга ёзган мактубларида ўз ваколатларини топшираётганликларини маълум қилган», — дейилади баёнотда.
Вазирлар Маҳкамаси янги раҳбарининг номзодини президент мамлакат парламентида таништиради.
Нурсултон Назарбоев 26 апрель куни навбатдан ташқари ўтказилган президентлик сайловида 97,7 % овоз йиққанди. 28 апрель куни у қасамёд қабул қилди.
Қозоғистон конституциясига мувофиқ, янги сайланган президент ўз лавозимига киришганидан сўнг ҳукумат истеъфога чиқиши керак.
Янги бош вазир парламент қуйи палатаси (мажлис) розилиги билан президент томонидан тайинланади.
Карим Масимов Қозоғистон бош вазири сифатида 2007 йилдан 2012 йилгача ва 2014 йил апрелидан ҳозирги кунгача ишлади.
Изоҳ (0)