Қозоғистон пойтахти Остонада «Экспо—2017» халқаро махсус кўргазмаси инфратузилмаси базасида молиявий марказ тузилади, дея хабар бермоқда «Nur.kz» Қозоғистон президенти Нурсултон Назарбоевнинг 28 апрель, чоршанба кунги инаугурация чоғида айтган нутқига таяниб.
«Мамлакатимиз Евросиёнинг шаффоф логистик марказига айланади, «Экспо—2017» юқори технологияли инфратузилмаси базасида алоҳида мақомга эга Остона молиявий маркази яратилади», — деди Назарбоев мамлакат олдида турган вазифаларни айтар экан.
«Энг яхши халқаро тажрибадан келиб чиқиб, мамлакатдаги бизнес иқлимини дунёдаги энг мафтункорларидан бирига айлантиришимиз керак. Қозоғистон бугун минтақамиздаги иқтисодий етакчидир, лекин бунда тўхтаб қолмаслик керак, ислоҳотлар миллий иқтисодиётни илғорлардан бирига айлантиради. Бош вазифамиз — қозоғистонликлар турмушини яхшилаш», — деди президент.
Изоҳ (0)