Япония бош вазири Синдзо Абэ август охирида бўладиган Марказий Осиё мамлакатлари бўйлаб турнеси давомида Қозоғистон, Қирғизистон, Тожикистон, Туркманистон ва Ўзбекистонга ташриф буюради, дея хабар бермоқда ТАСС.
Япониянинг «Иомиурии симбун» газетаси хабарига кўра, япон ҳукумати раҳбари 2006 йилдан бери бундай турне уюштирган эмас.
Қайд этишларича, Абэ йирик газ, нефть ва бошқа табиий бойликларга эга Марказий Осиё мамлакатлари билан муносабатларни янада мустаҳкамлашни мақсад қилган.
Бундан ташқари, Япония Марказий Осиё мамлакатлари раҳбарлари билан минтақадаги наркотрафик ва терроризм муаммоларини ҳам муҳокама қилади.
Ташриф якунлари бўйича Қозоғистон, Қирғизистон, Тожикистон, Туркманистон ва Ўзбекистондаги инфратузилмавий лойиҳаларга Япония томонидан кўмак берилиши билан боғлиқ бир қатор ҳужжатлар имзоланиши кутилмоқда.
2006 йили Япониянинг ўша вақтдаги бош вазири ҳисобланган Дзюнъитиро Коидзуми Қозоғистон ва Ўзбекистонга ташриф буюрган эди.
Изоҳ (0)