Бугун,

  • USD 11095.31
  • RUB 173.84
  • EUR 10772.44

Украина Олий Радаси нацистик ва коммунистик режимларни қораловчи, шунингдек, уларнинг рамзларини тақиқловчи қонунни қабул қилди. Бу ҳақда Meduza нашри хабар бермоқда.

Олий Рада мажлиси / Фото: новинй.су

Олий Рада мажлиси / Фото: новинй.су

Қонунга мувофиқ, Украинада нацистлар ва коммунистлар режимининг жиноий жиҳатларини омма олдида инкор этиш тақиқланди. Ушбу тузумларнинг рамзларидан сувенир маҳсулотлар тайёрлашда ҳам фойдаланиш мумкин эмас.

Қонунда қайд этилишича, ушбу ҳужжат «Украининг суверенитети, ҳудудий яхлитлиги ва миллий хавфсизлигига нисбатан юзага келадиган таҳдидларни бартараф этишга» йўналтирилган.

Ушбу қонун талабларини бузган шахслар беш йилгача озодликдан маҳрум этиш билан жазоланиши кўзда тутилган.

Маълумот учун, 2014 йили Украина Адлия вазирлиги мамлакатда Коммунистик партияни тақиқлаш ҳақида судга даъво киритган эди. Ушбу иш бўйича суд маҳкамалари ҳали якунига етганича йўқ.

Апрель ойи бошида эса Украина Коммунистик партияси етакчиси Пётр Симоненко, Россия Коммунистик партиясининг Москвада бўлиб ўтган қурултойида иштирок этганидан сўнг, Украина хавфсизлик хизмати (УХХ) томонидан сўроққа тутилганди.

УХХнинг маълум қилишича, партия мамлакатда юз берган террорчилик ҳаракатларига алоқадорликда гумон қилиниб, текширилган.

Изоҳ
Асосий янгиликлар
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...
Спорт
Бундеслига. “Боруссия Д” ўз майдонида рақибини тор-мор этди 
Шоу-бизнес
Instagram: Аэропортда дабдаба билан кутиб олинган Liil Хуррамов, қўшиқ куйлаган Абдуҳошим Исмоилов, янги раққосаларни кашф этаётган Юлдуз Усмонова