Геофизиклар Ой Ернинг Тейя сайёраси билан тўқнашуви натижасида шакллангани ҳақидаги гипотезани тасдиқловчи янги далил топди, дея хабар бермоқда Nature News.
Йўлдош бундан 4,5 миллиард йил аввал Ернинг Марс катталигидаги сайёра билан тўқнашиши натижасида пайдо бўлгани тўғрисидаги назария 1970 йилларда ўйлаб топилган. Гипотезага кўра, Ой бўлаклардан шаклланган, бу ҳақда эса Ер ва йўлдош кимёвий таркибининг ўхшашлиги ҳамда унда мустаҳкам ядро деярли йўқлиги гувоҳлик берган.
Бироқ йўлдош маълум даражада Тейя материясидан ҳам шаклланган бўлиши керак эди, бу аждод сайёра Ер билан деярли бир хил кимёвий таркибга эга бўлган бўлиши мумкинлигини билдиради.
Олимлар томонидан тузилган модель бундай эҳтимолни 20—40 фоизгача оширди. Сайёраларнинг кимёвий таркиби ўхшаш бўлганини олимлар уларнинг ҳар иккаласи ҳам Қуёшдан бир хил масофада жойлашгани билан изоҳлади.
Изоҳ (0)