Таиланд қироли Пумипон Адульядет 1 апрель, чоршанба куни аввалроқ бош вазир Прают Чан-Оча томонидан тақдим этилган ҳарбий ҳолатни бекор қилиш тўғрисидаги қарорни маъқуллади, дея хабар бермоқда ТАСС маҳаллий телевидение хабарига таяниб.
«Ҳарбий ҳолат бутун мамлакат ҳудудида бекор қилинди», — дейилади хабарда.
Аввалроқ бош вазир ҳарбий ҳолат бекор қилинганидан сўнг хавфсизликни таъминлаш учун Таиланд муваққат конституцияси 44-бобига амал қилишга тайёрлигини билдирган эди, унда вазирлар маҳкамаси бошлиғига деярли чексиз ваколатлар берилади.
Таиланд армияси 2014 йил 20 май куни сиёсий инқироз қамраб олган қиролликда ҳарбий ҳолат эълон қилган эди. Ҳарбийларнинг ушбу қарори 28 кишининг ўлими ва юзлаб кишиларнинг тан жароҳатларига сабаб бўлган бир неча ойлик ҳукуматга қарши оммавий норозилик намойишларидан сўнг тартибни тиклаш зарурати билан боғлиқлиги қайд этилган эди.
Изоҳ (0)