ЮКOС бўйича собиқ шериклар, шу жумладан компания собиқ раҳбари Михаил Ходорковскийга жами қиймати 2 миллиард долларга тенг активлар тегишли, дея хабар бермоқда Forbes журнали.
Нашр маълумотларига кўра, Ходорковский, шунингдек Платон Лебедев, Владимир Дубов ва Михаил Брудно Гернси оролидаги Quadrum Atlantic SPC фондига эгалик қилувчи олтита траст фондлари бенефициарлари ҳисобланади. Шу билан бирга, фонднинг ўзи эса АҚШ, Буюк Британия, Вьетнам, Украина ва Грузиядаги қатор кўчмас мулк объектларига эга бўлган Quadrum Global компанияси томонидан бошқарилади.
Forbes таъкидлашича, Quadrum Global активлари ЮКOС бўйича собиқ шериклар ўртасида тақсимланса, улар журнал томонидан тузиладиган россиялик бойлар рейтингида ўз ўринларига эга бўлиши мумкин бўлади.
Изоҳ (0)