Америка ҳарбий кемаси Ямандаги Сана шаҳрига ракета учирди, дея хабар бермоқда «РИА Новости».
Ҳарбий манбалар хабарига кўра, араб давлатлари коалицияси хусийларнинг қурол-яроғ омборларига бевосита талафот етказа олмагач, Америка кемалари Санага авиаҳужум уюштиришда иштирок этган.
Аввалроқ АҚШ «Америка қуролли кучлари жанговар ҳаракатларда бевосита қатнашмаслиги», бироқ ушбу операцияда логистика ва разведка бўйича ёрдам беришини айтган эди.
26 март, пайшанбага ўтар кечаси Саудия Арабистони шиа исёнчиларига қарши операция бошланганини эълон қилди, унда яна тўққиз давлат қатнашмоқда. Ар-Риёд хусийларга қарши 100 та қирувчи самолёт ва 150 мингта аскар жўнатди.
Изоҳ (0)