Анталия хавфсизлик бошқармаси «Инқилобий озодлик халқ фронти» сўл радикал гуруҳининг 22 аъзосини ҳибсга олди, дея хабар бермоқда ТАСС. Улар 31 март, сешанба куни Истанбул прокурорини гаровга олишда иштирок этганликда гумон қилинмоқда.
Қўлга олиш учун жами 23 та ордер берилган бўлиб, яна бир гумонланувчини қидириш давом этмоқда.
Ҳукумат маълумотларига кўра, истанбуллик прокурорни гаровга олганлар «Инқилобий озодлик халқ фронти» таркибида бўлган. Улар терактни тайёрлаш ва чегараларни ноқонуний равишда кесиб ўтиш айбловлари бўйича битта турмада жазо муддатини ўтаган.
Аввалроқ Туркия ҳуқуқ ҳимоячилари шиддатли ҳужум уюштириб, прокурорни гаровга олган террорчиларни ўлдиргани хабар берилган эди. Уларнинг икки нафари «Инқилобий озодлик халқ фронти» сўл радикал гуруҳи аъзоси бўлган. Reuters йўқ қилинган террорчилар сонини учта деб кўрсатди.
Кираз 2013 йилда Истанбулдаги «Гези-парк»даги намойишлар чоғида газли гранаталар ёмғири остида қолиб кетган 15 ёшли ўспирин ўлими ҳақидаги ишни тергов қилаётган эди.
Қуролли кишилар прокурорни ўз офисида қўлга туширган ва унинг бошига тўппонча тиралиб тургани акс этган фотосуратни интернетда тарқатган. Улар полициядан ўспирин ўлимида айбдорлигини тан олишни талаб қилган.
Истанбул прокурори Селим Кираз гаровдан озод қилингач, касалхонада оғир жароҳатлардан вафот этди.
Изоҳ (0)