Тўрткўл туманида истиқомат қилувчи Тўти Юсупова 135 ёшида вафот этди. Бу ҳақда «Еркин Қарақалпақстан» газетасига асосланиб «Furkat.uz» хабар бермоқда.
Тўти Юсупова 1880 йилда Тўрткўл туманида таваллуд топган. У ёшлик чоғларидан бошлаб, нафақага чиққунга қадар «Кўна-Тўрткўл» хўжалигида ишлаб, фидокорона ва юқори инсонийлик фазилатлари билан ажралиб турган.
Тўти момо умри давомида шогирдлари ва фарзандларининг жамиятда муносиб ўрин эгаллашлари учун ўзининг барча куч-ғайратини ишга солди ва кенг жамоатчилик орасида катта ҳурмат қозонди.
Унинг кўп йиллик меҳнатлари юқори баҳоланиб Ўзбекистон Республикаси Президентининг фармони билан «Шуҳрат» медали билан тақдирланган.
Изоҳ (0)