Беларусь Республикаси президенти Александр Лукашенко Ислом Каримовни Ўзбекистон Республикаси президентлигига қайта сайлангани билан табриклади, дея хабар бермоқда «БелТА».
«Сизнинг сайловлардаги ишончли ғалабангиз ўзбек халқи томонидан мамлакатни барқарор ривожлантириш ва унинг халқаро обрўсини мустаҳкамлашга қаратилган сиёсатингизнинг қўллаб-қувватланишини кўрсатади», — дея таъкидлади Беларусь президенти.
Лукашенко дўстлик ва ҳамжиҳатлик анъаналари бундан кейин ҳам Беларусь ва Ўзбекистон ўртасидаги ҳамкорликнинг ривожланиши учун имкон яратишига ишонч билдириб қолди.
Эслатиб ўтамиз, Марказий сайлов комиссияси томонидан эълон қилинган Ўзбекистон Президенти сайловининг дастлабки натижаларига биноан Ислом Каримовга сайловчиларнинг 90,39 фоизи овоз бергани маълум бўлди.
Изоҳ (0)