Қозоғистон президенти Нурсултон Назарбоев Ислом Каримовга Ўзбекистон Республикаси Президенти сайловида ғолиб чиққани муносабати билан табрик телеграммасини жўнатди, дея хабар бермоқда «Newskaz.ru».
Teлеграммада таъкидланишича, сайлов натижалари Каримовнинг аҳоли орасидаги обрўси, мамлакатнинг ижтимоий-иқтисодий тараққиёти ва халқаро майдонда Ўзбекистон ўрнини мустаҳкамлашга қаратилган тўғри сиёсатининг қўллаб-қувватланишидан дарак беради.
Қозоғистон президенти Каримов раҳбарлигида Ўзбекистон гуллаб-яшнаш йўлида давом этишига ишонч билдирди.
Аввалроқ Россия Федерацияси Президенти Владимир Путин Ислом Каримовни Ўзбекистон Президенти сайловидаги ғалаба билан табриклаган эди.
Эслатиб ўтамиз, Марказий сайлов комиссияси томонидан эълон қилинган Ўзбекистон Президенти сайловининг дастлабки натижаларига биноан Ислом Каримовга сайловчиларнинг 90,39 фоизи овоз бергани маълум бўлди.
Изоҳ (0)