Қирғизистон Республикаси Президенти Алмазбек Атамбаев Ислом Каримовни Ўзбекистон Республикаси Президенти лавозимига қайта сайлангани билан табриклади, деб ёзади «Knews.kg».
«Ишончим комилки, Қирғизистон ва Ўзбекистон республикалари ўртасидаги дўстлик, тотувлик ва шерикчилик тамойилларига асосланган икки томонлама муносабатлар бундан кейин ҳам мамлакатларимиз ва қардош халқларимиз равнақи учун мустаҳкамланишда давом этади», — дейилади Атамбаев табригида.
Эслатиб ўтамиз, Марказий сайлов комиссияси томонидан эълон қилинган Ўзбекистон Президенти сайловининг дастлабки натижаларига биноан Ислом Каримовга сайловчиларнинг 90,39 фоизи овоз бергани маълум бўлди.
Изоҳ (0)