Футбол ассоциациялари халқаро федерацияси (ФИФА) вице-президенти ҳамда Шимолий ва Марказий Америка ва Кариб ҳавзасидаги мамлакатлар футбол конфедерацияси (CONCACAF) раҳбари Жеффри Уэбб фикрича, Россияда айни пайтда кузатилаётган ирқчилик туфайли у ерда жаҳон чемпионати ўтказиб бўлмайди. Бу ҳақда у ESPN телеканалига интервью берди, деб ёзади «Ведомости». Уэбб ФИФАда ирқчиликка қарши кураш бўйича тезкор гуруҳни бошқаради.
Спорт амалдори айтишича, ирқчилик нуқтаи назаридан Россия федерация ва жаҳон чемпионати учун «катта синов бўлиб ҳисобланади», спорт вазири Виталий Мутко ҳам олдинда кўп ишлар қилиниши кераклигини тасдиқлайди.
Уэбб ФИФА ушбу муаммони ҳал қилиш учун Россияда мамлакатдаги ирқчилик даражасини пасайтирадиган таълим дастурлари жорий этилишига эришиши кераклигини таъкидлади. Унинг сўзларига кўра, айни пайтда ФИФА тезкор гуруҳи ушбу дастурларни тайёрлаш ва ўтказиш бўйича Россия томони билан ҳамкорлик олиб бормоқда.
Изоҳ (0)