Ўзбекистон шахмат федерациясида Tashkent March Round Robin халқаро турнири ўз якунига етди. 4−9 март кунлари оралиғида ўтказилган мусобақада Ўзбекистоннинг ақл идроқ соҳибларидан ташқари Беларусь, Россия ва Украинадан ҳам шахматчилар иштирок этишди, деб хабар бермоқда «Olamsport».
Шахматчилар айлана тизимда 9 та турда ўзаро муносабатларига ойдинлик киритиб олишди. Якунда бир йўла 3 шахматчи 5,5 тадан очко жамғаришди. Қўшимча кўрсаткичларга кўра Севара Боймуротова ғолибликни қўлга киритди. Бу билан ўзбекистонлик спортчи халқаро тоифадаги спорт устаси меъёрини ҳам бажарди. Иккинчи ўрин пойтахтлик Владимир Егинга насиб этган бўлса, фарғоналик Гулруҳбегим Тоҳиржонова кучли учликка якун ясади.
Изоҳ (0)