Венесуэла президенти Николас Мадуро шахсан АҚШ президенти Барак Обамани унинг ҳукуматини ағдаришга уринишда ва Лотин Америкаси мамлакатларининг ички ишларига аралашишда айблади, деб хабар бермоқда «РИА Новости».
«Обама шахсан ўзи менинг ҳукуматимни ағдариш ва Венесуэланинг ички ишларига аралашишга қарор қилди», − деди Мадуро. Унинг сўзларига кўра, АҚШ Лотин Америкасини ўзининг «орқа ҳовлиси» деб ҳисоблайди ва Венесуэладан бошлаб ушбу минтақанинг барча мамлакатларини назорат қилишни истайди.
Мадуронинг ушбу баёноти АҚШ томонидан Венесуэланинг қатор мансабдорларига нисбатан янги санкциялар жорий этилишига жавобан берилган. Янги чекловлар Венесуэланинг ҳуқуқни муҳофаза қилувчи органлари, армия ва разведка ходимларига нисбатан жорий қилинган. Шунингдек, Венесуэладаги вазият АҚШ учун таҳдид туғдириши хавотиридан ушбу мамлакатга нисбатан фавқулодда ҳолат жорий этилган.
Изоҳ (0)