АҚШ президенти Барак Обама Украинага қурол етказиб бериш ғоясидан воз кечди, дея хабар бермоқда «Корреспондент.net». Бундай қарорни у 9 февраль куни Германия канцлери Ангела Меркель билан учрашгач, қабул қилган.
Германиянинг Вашингтондаги элчиси Петер Виттиг сўзларига кўра, Обама Меркель билан учрашувда «дипломатик, сиёсий интилишларни амалга оширишга имкон бериш»га розилик билдирган. «Иккала мамлакат етакчилари ушбу масала борасида фикр алмашди ва ҳозир ўлим келтирувчи мудофаа қуроллари етказиб бериш вақти эмаслиги бўйича фикрлари бир жойдан чиқди», — деди дипломат.
Изоҳ (0)