Финляндия ташқи ишлар вазири Эркки Туомияни тезликни оширгани учун жаримага тортишди, дея хабар бермоқда Yle. ТИВ раҳбари соатига 40 километргача тезликда ҳаракатланиш рухсат этилган жойда тезликни 49 километргача оширган.
Туомия сўзларига кўра, ҳодиса 2014 йилнинг сентябрида рўй берган. Вазирни тўхтатган полициячилар техник кўрик талони муддати деярли ярим йилга ўтиб кетганини ҳам аниқлаган.
«Техник кўрик бор-йўқлигини текшириб кўрмаганим ўзимнинг айбим, албатта, бироқ бунақаси бўлиб туради», — дея таъкидлади вазир. Туомия тўлашига тўғри келган жариманинг аниқ миқдори ошкор этилмади.
Изоҳ (0)