Тайванлик оила интернетга жойлаган видео фойдаланувчилар орасида шов-шувга сабаб бўлди, деб ёзади «Вести.ru». Унда оила бошлиғи юриб кетаётган машинанинг рулига бир ойлик чақалоғини боғлаб қўйгани акс этган.
Боланинг ота-онаси ва унинг ўзи эса бундан завқланиб кулаётганини кўриш мумкин. Интернет фойдаланувчилари ҳаддан ташқари беғам ота-онани танқидларга кўмиб ташлади.
Видео чақалоқнинг онаси томонидан суратга олиниб, YouTube’га қўйилган эди. Бироқ норозиликлардан сўнг у видеони ўчириб ташлади.
Фойдаланувчилар эса танқидлар билан кифояланмай, бу борада ижтимоий хизматларга мурожаат қилди. Улар эса чақалоқнинг ота-онаси бу видеода ҳеч қандай ножўя ҳаракат қилмаганини айтди.
Изоҳ (0)