Янги Зеландияда 198 та гринд-дельфин қирғоққа отилиб чиқди, дея хабар бермоқда The New Zealand Herald. Нельсон шаҳри яқинида саёзликка чиқиб қолган жониворларни Табиатни муҳофаза қилиш департаменти ходимлари кўриб қолган.
Муассаса ходимлари сўзларига кўра, гриндларни сувга қайта улоқтириш учун 500 га яқин кўнгиллилар керак бўлади. Ҳозиргача 20 та дельфин нобуд бўлган. Кечаси жониворлар ёнида бўлиш хавфли бўлгани сабабли, қутқарув ишлари 14 февраль куни эрталаб 8:00 (Тошкент вақти билан 14 февраль 00:00)да давом эттирилади.
Табиатни муҳофаза қилиш департаменти дельфинларнинг ялпи равишда соҳилга чиқиб қолиши сабабини аниқ айта олмади. Тахминлардан бирига кўра, жониворлар саёзликда мўлжални яхши ололмаслиги туфайли йўлдан адашган бўлиши мумкин. Яна бир версияга кўра эса, дельфинлар тасодифан саёзликка чиқиб қолган биродарларидан бирига ёрдам келган.
Изоҳ (0)