АҚШ собиқ президенти кичик Жорж Бушнинг укаси, Флорида штати собиқ губернатори Жеб Буш машҳурлик кетидан қувиб хатолик туфайли интернетга 12 минг кишининг шахсий маълумотларини жойлади, дея хабар бермоқда ТАСС.
АҚШ президентлигига потенциал номзод ўзининг очиқлиги ва техник жиҳатдан пухталигини кўрсатмоқчи бўлди. Сайтга губернаторлик лавозимида саккиз йил давомида фуқаролар билан олиб борилган ёзишмаларни жойлаб, Жеб Буш ўзи билмаган ҳолда ҳамсуҳбатларининг шахсий маълумотлари — исм-шарифлари, туғилган йиллари ва ижтимоий суғурта карточкалари рақамларини ҳам оммага ошкор этди.
Мутахассислар таъкидлашича, бу маълумотлар жиноятчилар томонидан фирибгарлик мақсадларида фойдаланилиши мумкин.
12 февраль, пайшанба куни Жеб Бушнинг сайтидан маълумотларнинг катта қисми ўчириб ташланди — ҳозир у ерда бир неча юзта ҳужжат қолган. «Биз ҳар битта аккаунтни таҳрирлаб чиқдик», — деди сиёсатчининг вакили.
Изоҳ (0)