Қуёш энергиясидан фойдаланишнинг ўсиши ҳозирги даражада сақланиб қолса, 2020 йилга бориб дунё бўйлаб ишлаб чиқариладиган электр энергиясининг 10 фоизи фотоэлектр тизимларига тўғри келиши мумкин, деб ёзади «Вести Экономика». Асосий ўсиш Хитой, Япония, Германия ва АҚШда кузатилиши кутилмоқда. Эътиборингизга ҳозирда фаолият кўрсатаётган ёки қурилаётган энг йирик қуёш электр станциялари ўнлигини ҳавола этамиз.
1. Jasper PV Project, ЖАР
Ўтган йил октябрида якунланган лойиҳа йилига 96 Мегаватт электр ишлаб чиқаради ва бу 80 мингта уйни таъминлашга етади.
9. Amanecer Solar CAP Plant, Чили
Атакама саҳроси марказида жойлашган станция қуввати 100 Мегаватт бўлиб, 125 мингта хўжаликни электр билан таъминлай олади.
8. Redstone Solar Thermal Power Plant, ЖАР
100 Мегаватт қувватга эга бўладиган станция 200 минг уйни электр билан таъминлаши режалаштирилмоқда.
7. Nzema Solar Park, Гана
Қурилиши давом этаётган қуёш электр станцияси 155 Мегаватт қуввватга эга бўлади 630 минг қуёш панелини ўзида жамлайди.
6. Setouchi, Япония
Ўтган йилнинг ноябрида қурилиши бошланган 231 Мегаватт қувватга эга станция лойиҳасининг қиймати 1,1 миллиард долларни ташкил этади.
5. Agua Caliente, АҚШ
1 миллиард долларлик лойиҳа асосида қурилиб, ўтган йилнинг апрелида ишга туширилган станция 290 Мегаватт қувватга эга ва 230 минг уйга хизмат кўрсата олади.
4. Ivanpah, АҚШ
Икки йил олдин очилган электр станцияси 392 Мегаватт қувватга эга, 300 минг панелни ўзида жамлаган ва 140 минг уйни электр билан таъминлай олади.
3. Solar Star, АҚШ
Станция қурилиши 2013 йилда бошланган ва ҳозирда 170 Мегаваттлик қувватни таъминланмоқда. Якунда қувват 579 Мегаваттга, панеллар сони 1,7 миллионга етиши режалаштирилган.
2. Topaz, АҚШ
2,5 миллиард доллар эвазига икки йилда қурилган станция қуввати 580 Мегаваттни ташкил этади, 9 миллиондан ортиқ панелларни ўзида жамлаган. Аҳолиси 276 минг бўлган Сан-Луис-Обиспо шаҳрининг катта қисмини элетр билан таъминлай олади.
1. Smabhar Lake, Ҳиндистон
Қуввати 4000 Мегаваттлик станция лойиҳаси 4 миллард доллар қийматга эга, у АҚШнинг энг йирик қуёш станцияларидан 8 марта кучли бўлади. Бироқ лойиҳа ҳозирда федерал ҳукумат ва штат раҳбарияти ўртасида ердан фойдаланиш борасидаги низо туфайли тўхтаб қолган.
Изоҳ (0)