Twitter микроблоглар сервисида шахсий хабарларда гуруҳ бўлиб мулоқот қилиш ва 30 сонияли видеолавҳалар юклаш мумкин бўлди, дея хабар бермоқда TJournal компания расмий блогига таяниб.
Гуруҳ бўлиб чатлашишни ҳар қандай фойдаланувчи билан, бир-бирингизга обуна бўлган-бўлмаганлигингиздан қатъий назар, бошлаш мумкин.
Бундан ташқари, фойдаланувчилар мобил дастур ёрдамида видео юклаш имкониятига эга бўлди. Видеолавҳа камера орқали олинади ёки смартфондаги галереядан танлаб олиниши ҳам мумкин.
Янги функциялар бир неча кун ичида барча фойдаланувчилар учун кучга киради. Ҳар иккала функция фақат iPhone’да мавжуд. Twitter’нинг веб-версияси, Android ва бошқа платформаларда гуруҳ чатлари ва видео юклаш қачон мумкин бўлиши хабар берилмаяпти.
Изоҳ (0)