Apple компанияси 21 январь, чоршанба куни ўз ҳамкорларига 1 февралдан бошлаб Қримда фаолиятни тўхтатиш тўғрисида мактуб йўллади. Бу ҳақда «Корреспондент.net» хабар берди.
Энди Apple ўз шерикларига Қримда компания маҳсулотларини сотиш ва техник хизматларни тақдим этишни ман қилади.
Аввалроқ Apple ўзининг Қримдаги дастурчилари билан ҳамкорликни тўхтатгани хабар берилган эди. Компания дастурчиларнинг developer.apple.com порталига киришини блоклаб қўйди, ўз дастурий таъминотини ишлатишни тўхтатишни ҳамда фаолият вақтида фойдаланилган барча материалларни йўқ қилишни талаб қилди.
Изоҳ (0)