Онлайн-таржимон Google Translate қоғоздаги матнни смартфон камераси ёрдамида таниб, таржима қиладиган бўлди, дея хабар бермоқда «Газета.ru». Матнни таниб олиш бўйича бундай онлайн-таржимонлар ва тизимлар устида бошқа компаниялар ҳам иш олиб бормоқда.
Google ўзининг iOS ва Android учун мўлжалланган Google Translate дастурига реаллик элементларига эга лаҳзали таржима функциясини қўшди. Фойдаланувчи матнга камерани тутиши кифоя, шу заҳоти смартфон экранида шу матн таржимаси пайдо бўлади.
Айни пайтда Google Translate’нинг янги хусусияти инглиз тилидан рус, француз, немис, испан, португал ва итальян тилларига ёки аксинча йўналишдаги таржималарни амалга оширади.
Бундан ташқари, ABBYY Lingvo, Skype Translator, Waygo каби таржимонлар ҳам камера орқали матнни таниб таржима қилиш функциясига эга бўлди.
Изоҳ (0)