Россия ташқи ишлар вазирлиги Вашингтон ва Оттавага Россияга қарши янги санкциялар киритишнинг оқибатлари ҳақида ўйлаб кўришни маслаҳат берди, дея хабар қилди «РИА Новости» Россия ТИВ расмий вакили Александр Лукашевичга таяниб.
«Биз эса жавоб чораларини ишлаб чиқиш билан шуғулланамиз», — деди у.
АҚШ 19 декабрь, жума куни Россияга қарши иқтисодий санкцияларни кенгайтириш ва Қримни тўлиқ кўламда иқтисодий қамал қилишга уриниш ҳақида эълон қилди.
Канада ўз навбатида РФ фуқаролари санкциявий рўйхатини тўлдириш ниятини билдирди. Мамлакат бош вазири Стивен Ҳарпер сайтида эълон қилинган баёнотга кўра, рўйхатга тушган 11 кишидан 10 нафари парламент аъзолари ҳисобланади.
Изоҳ (0)