Chevrolet моделлари Россия бозорида энг кўп қимматлашган автомобиллар бўлди

«Газета.ru» нашри декабрь ойида ўз машиналари нархини оширган Россия бозорида фаолият олиб бораётган автомобиль ишлаб чиқарувчилар рўйхатини эълон қилди.

Chevrolet маркасининг расмий дилерлари нархларни энг кўп оширганлардан бири бўлди. Турли модификацияга эга тўртта модель қимматлашди. Булар Aveo, Cobalt, Cruze ва Spark бўлиб, улар нархининг ошиш даражаси 7,9 фоиздан 15,3 фоизгачани ташкил этди.

Бундан ташқари, Mercedes-Benz, Opel, UAZ компанияларининг Россиядаги офислари ҳам ўз моделларини анча қимматлаштирди.

Россия бозоридаги Honda, Jeep, Peugeot ва Ford автомобиллари нархи ўрта даражада ошган бўлса, энг паст даражадаги қимматлашув Кia, Renault ва Citroen моделларида кузатилди.