Марсни тадқиқ этувчи Curiousity космик қурилмаси сайёрада кўллар мавжудлигини исботловчи далилни топди, дея хабар бермоқда Interfax.
Деярли беш километр баландликка эга Sharp тоғининг сурати унинг улкан Гейл кратерида чўкинди тоғ жинсларидан шаклланганини кўрсатади. Бу кратер қачондир сув билан тўла бўлганини билдиради.
Марсни тадқиқ этиш бўйича NASA етакчи мутахассиси Майкл Мейернинг айтишича, кўл у ерда ҳаёт ривожланиши учун етарлича катта бўлган.
Curiousity томонидан олинган янги маълумотлар Марсдаги сўнгги исиш 3,5 миллиард йил аввал содир бўлганидан дарак беради. Олимлар ҳозирча Марсдаги кўллар исиш туфайли қуриб кетганлиги эҳтимолини кўриб чиқмоқда.
Изоҳ (0)