Marsni tadqiq etuvchi Curiousity kosmik qurilmasi sayyorada ko‘llar mavjudligini isbotlovchi dalilni topdi, deya xabar bermoqda Interfax.
Deyarli besh kilometr balandlikka ega Sharp tog‘ining surati uning ulkan Geyl kraterida cho‘kindi tog‘ jinslaridan shakllanganini ko‘rsatadi. Bu krater qachondir suv bilan to‘la bo‘lganini bildiradi.
Marsni tadqiq etish bo‘yicha NASA yetakchi mutaxassisi Maykl Meyerning aytishicha, ko‘l u yerda hayot rivojlanishi uchun yetarlicha katta bo‘lgan.
Curiousity tomonidan olingan yangi ma’lumotlar Marsdagi so‘nggi isish 3,5 milliard yil avval sodir bo‘lganidan darak beradi. Olimlar hozircha Marsdagi ko‘llar isish tufayli qurib ketganligi ehtimolini ko‘rib chiqmoqda.
Izoh (0)