Наманган вилоятида сигир уй олдида ўйнаётган болакай ва унинг онасини сузиб, жароҳат етказди. Вилоят ИИБ ҳолат юзасидан маълумот берди.
Маълум қилинишича, ҳолат Янгиқўрғон тумани “Баркамол” маҳалласида яшовчи, 1968 йилда туғилган фуқаро А.О. ўзига тегишли бўлган қорамолларни бошқа ҳудуддаги ер участкасидан яшаш уйига олиб келаётган вақтда содир бўлган.
Қорамол уй олдида ўйнаб юрган 2023 йилда туғилган Х.Р. ва уни ҳимоя қилмоқчи бўлган онаси 1989 йилда туғилган фуқаро А.Д.ларни сузиб, тан жароҳати етказган.
Янгиқўрғон туманлараро суд-тиббий экспертизасининг хулосасида фуқаро А.Д.га ўртача оғир ва вояга етмаган Р.Х.га енгил тан жароҳати етказилгани кўрсатилган.
Республика шошилинч тиббий ёрдам илмий марказ Наманган филиалининг берган маълумотига кўра, жабрланувчиларга уйига рухсат берилиб, ҳозирда уйида амбулатор шароитда даволанмоқда.
Мазкур ҳолат юзасидан Янгиқўрғон тумани ИИБ томонидан терговга қадар текширув ўтказилмоқда.
Изоҳ (0)