Ҳар йили Netizens Choice журнали томонидан дунёнинг энг гўзал аёллари рейтинги тузилади. Дастлаб овоз бериш учун иштирокчилар рўйхати эълон қилинади, сўнг истаган шахслар уларга овоз бериши мумкин бўлади. Жорий йилги рейтингда эътиборга молик жиҳатлардан бири шуки, кучли ўнталикка бирданига беш нафар туркиялик актриса киритилди.
Фото: Instagram
“Қизил шарбат” сериали орқали танилган Сила Туркўғлу 2025 йилги дунёнинг энг чиройли аёллари рўйхатида биринчи ўринни эгаллади. Доа образини гавдалантирган актриса жамоатчиликни нафақат гўзаллиги, балки актёрлик маҳорати билан ҳам ром этди.
Иккинчи ўринни эса илгари “Қонли гуллар” сериалида иштирок этган ёш актриса Ягмур Юксел эгаллади.
Фото: Haberler
“Шамолли тепалик” сериали орқали танилган Жемре Арда ушбу рейтингда бешинчи поғонадан жой олди. “Тунги эртак” юлдузи Су Буржу Жошкун эса рейтингда олтинчи ўринга чиқди. Ҳанде Эрчел ҳам кучли ўнталикка кирди, бироқ бу сафар у фақатгина еттинчи ўринга лойиқ деб топилди.
Netizens Choice нашрининг қайд этишича, жорий йилги рейтингда иштирокчиларнинг нафақат ташқи кўриниши, балки уларнинг жамиятдаги обрўси ва нуфузи ҳам ҳисобга олинди. Турдизи мухлислари натижалардан мамнун бўлишди, айниқса, бир неча ёш турк актрисаларининг биргаликда ғолиблар сафидан жой олгани кўплаб ижобий фикрлар уйғотди.
Изоҳ (0)