Россияда операция вақтида селфига тушган ҳамширанинг шахси аниқланди, дея хабар бермоқда Вести.ru. У Нижний Тагил шаҳридаги нуфузли хусусий клиникалардан бирида ишлайдиган 36 ёшли Мария исмли ҳамшира бўлиб чиқди.
Мария селфиларини ўз саҳифасидан ўчириб ташлаган бўлса-да, блогерлар уларни ўз манбаларида эълон қилишга улгурди.
Россия соғлиқни сақлаш вазирлигининг минтақавий бўлинмасида бу борада мажлис ўтказилиб, дастлабки текшириш ишлари олиб борилди.
Операция қилинаётган беморлар фонида суратга тушиш уларни таҳқирлаш деб баҳоланмоқда. Аввалроқ шов-шувга сабаб бўлган, жарроҳлик столи тепасида селфи олган ҳамширанинг айнан ким эканлиги аниқланганича йўқ, бироқ уни топиш пайига тушишди. Ишга прокуратура ҳам жалб этилди.
Изоҳ (0)