Россиянинг Санкт-Петербург шаҳри ҳуқуқ ҳимоячилари Coca-Cola HBC заводи директори Дмитрий Сошнев жасадини топди, дея хабар бермоқда «Российская газета». Мурда Фрунзе туманидаги гаражлардан бирида аниқланган.
«Қотиллик» моддаси бўйича очилган жиноий ишни тергов қилиш давомида икки нафар гумонланувчи — 28 ёшли озарбайжонлик Денис Чхитаури ва муқаддам судланган 46 ёшли Вячеслав Финогенов қўлга олинди.
Тергов версиясига кўра, ёвуз ниятли кишилар 28 ноябрь, жума куни Сошневни алдаб, гаражли ҳудудга чақириб олган. Финогенов унга қирқма ов милтиғидан ўқ узиб ўлдирган.
Марҳум ўзи билан келтирган 150 минг рублни ва BMW автомобилидаги ҳужжатларни жиноятчилар олиб қўйган. Улар жасад ва қуролни гаражлардан бирига яширган.
Эслатиб ўтамиз, завод директори йўқолиб қолганлиги ҳақидаги аризани полицияга унинг онаси 30 ноябрь, якшанба куни берган. Аёлнинг айтишича, 28 ноябрь куни эрталаб 8 да Сошнев йирик миқдордаги пул билан ишга жўнаб кетиб, қайтиб келмаган.
Изоҳ (0)