Александр Лукашенко Россия томонидан қўйилган савдо чекловларига кескин муносабат билдирди

Белоруссия президенти Александр Лукашенко Россия томонидан қўйилган савдо чекловларига жавоб қайтаришга мажбур бўлишини маълум қилди, деб хабар бермоқда «Segodnya.ua».

«Россия расмийларининг ҳаракатлари одамни нафақат ҳайрон қолдиради, балки ташвишга ҳам солади. Агар божхона келишувлари бузилиб, икки мамлакат ўртасидаги савдо нормаллашмаса, би бунга жавоб қайтаришга мажбур бўламиз», − деди Лукашенко Санкт-Петербург губернатори Георгий Полтавченко билан учрашувда.

Қайд этилишича, 26 ноябрь куни Россия федерал ветеринар ва фитосанитария назорати хизмати саккизта белорус корхонасидан Россияга маҳсулот етказиб беришга чеклов эълон қилган. 24 ноябрь куни эса тақиқланган Европа давлатлари маҳсулотлари ноқонуний олиб ўтилаётганликда шубҳаланаиб Белоруссиядан келаётган ўсимлик маҳсулотлари транзити чекланган.