Шимолий Корея етакчиси Ким Чен Иннинг синглиси КХДР ҳукмрон партиясида юқори лавозимни эгаллади, дея хабар бермоқда «РИА Новости» Корея марказий телеграф агентлигига таяниб.
Тахминан 27 ёшда бўлган Ким Ё Чжон Меҳнат партияси марказий қўмитасида департамент директори ўринбосари лавозимига эга бўлди.
Хабар берилишича, Ким Ё Чжон акасидан ташқари оилада КХДР ҳукуматида расмий фаолият олиб бораётган ягона фарзанд ҳисобланади.
Сеул миллий университети бош тадқиқотчиси Чан Ён Сок фикрича, Ким Ё Чжон КХДР собиқ етакчиси Ким Чен Ирнинг синглиси — Ким Гён Хига қараганда ҳам баландроқ нуфузга эга. «Ким Ё Чжон Ким Чен Иннинг ҳукуматни кучайтириш бўйича уринишлари марказида туриб, унинг халққа содиқ етакчи сифатидаги образини яратишда муҳим рол ўйнайди», — деди тадқиқотчи.
Изоҳ (0)