Aleksandr Lukashenko Rossiya tomonidan qo‘yilgan savdo cheklovlariga keskin munosabat bildirdi

Belorussiya prezidenti Aleksandr Lukashenko Rossiya tomonidan qo‘yilgan savdo cheklovlariga javob qaytarishga majbur bo‘lishini ma’lum qildi, deb xabar bermoqda “Segodnya.ua”.

“Rossiya rasmiylarining harakatlari odamni nafaqat hayron qoldiradi, balki tashvishga ham soladi. Agar bojxona kelishuvlari buzilib, ikki mamlakat o‘rtasidagi savdo normallashmasa, bi bunga javob qaytarishga majbur bo‘lamiz”, − dedi Lukashenko Sankt-Peterburg gubernatori Georgiy Poltavchenko bilan uchrashuvda.

Qayd etilishicha, 26-noyabr kuni Rossiya federal veterinar va fitosanitariya nazorati xizmati sakkizta belorus korxonasidan Rossiyaga mahsulot yetkazib berishga cheklov e’lon qilgan. 24-noyabr kuni esa taqiqlangan Yevropa davlatlari mahsulotlari noqonuniy olib o‘tilayotganlikda shubhalanaib Belorussiyadan kelayotgan o‘simlik mahsulotlari tranziti cheklangan.