Пентагон раҳбари Чак Ҳейгл истеъфо беришига Оқ уй унинг Россия президенти Владимир Путинни даф қилиш ҳақидаги режасини тасдиқламагани сабаб бўлган. Бу ҳақда ўз манбаларига таяниб, The Wall Street Journal хабар берди.
Маълум бўлишича, Ҳейгл истеъфога чиқишидан икки ой аввал Путинни тийиш бўйича янги чоралар кўриш ва Европадаги иттифоқдошларни тинчлантириш учун кўпроқ ҳаракат қилишни сўраб Оқ уйга хат жўнатган. Бироқ Пентагон раҳбарига жавоб келмаган.
«Ҳейгл қадрлайдиган нарсалардан бири бу аниқлик, бироқ Оқ уй бундай хислатни доим ҳам кўрсатавермайди», — деди Пентагон вакилларидан бири.
Эслатиб ўтамиз, 24 ноябрь куни АҚШ мудофаа вазири Чак Ҳейгл истеъфога чиқиши маълум бўлди.
Изоҳ (0)