2014 йилнинг 18 ноябрь куни Ташқи ишлар вазирлигида Ўзбекистонга ташриф буюрган Хитой Коммунистик партияси Марказий Қўмитаси бўлим бошлиғи ўринбосари Чжоу Ли бошчилигидаги делегация билан учрашув бўлиб ўтди. Бу ҳақда Ўзбекистон Ташқи ишлар вазирлигининг матбуот хизмати хабар бермоқда.
Суҳбат чоғида икки томон кун тартибининг долзарб масалалари, 2013 йилнинг 8—10 сентябрь кунлари Тошкент ва Самарқанд шаҳарларида ҳамда 2014 йилнинг 19—20 август кунлари Пекин шаҳрида бўлиб ўтган олий даражадаги Ўзбекистон — Хитой музокаралари доирасида эришилган келишувларнинг амалга ошиш жараёни муҳокама қилинди.
Учрашувда қайд этилганидек, Ҳамкорлик бўйича ҳукуматлараро қўмита ва унинг кичик қўмиталари мажлислари, ташқи ишлар вазирликлари ўртасидаги мунтазам маслаҳатлашувлар, турли даражадаги мулоқотлар каби ўзаро муносабатларнинг институционал механизмлари Ўзбекистон — Хитой ўртасидаги алоқаларни изчил ривожлантиришда муҳим рол ўйнайди.
Шунингдек, томонлар айрим халқаро ва минтақавий муаммолар, жумладан, ХХР янги ташаббуслари борасида фикр алмашди.
Музокараларда Хитой элчиси Сун Лицзе иштирок этди.
Изоҳ (0)