Андижонда халқ истеъмоли маҳсулотларининг 400 та турига яна бир янгилик — болалар велосипедлари қўшилди, дея хабар бермоқда «Правда Востока».
Уларни вилоят марказида жойлашган «Сезам Савдо Саноат» хусусий корхонаси етказиб бермоқда. Корхона раҳбари Олимжон Элчиев «Алоқабанк» филиалидан кредит сифатида олинган 100 миллион сўм маблағни замонавий асбоб-ускуналар сотиб олиш ва уларни ўрнатишга йўналтирди.
Бугунги кунда хусусий корхонада 25 нафар касб-ҳунар коллежлари битирувчилари иш билан таъминланган.
«Сезам Савдо Саноат» ишлаб чиқараётган беш турдаги болалар велосипедлари нафақат Фарғона водийси, балки Тошкент, Нукус, Термиз, Қарши харидорларини ўзига жалб қилмоқда.
Изоҳ (0)