Қозоғистон темир йўлчилари делегацияси Ўзбекистон ва Қозоғистон темир йўл маъмуриятлари ўртасидаги икки томонлама келишувлар доирасида Тошкентга ташриф буюрди. Бу ҳақда «Ўзбекистон темир йўллари» ДАТЙК матбуот хизмати хабар бермоқда.
Музокаралар чоғида 2013 йилдаги ва 2014 йилнинг 10 ойидаги ҳамкорлик масалалари муҳокама қилинди.
Ушбу даврда Қозоғистон ва Ўзбекистон ўртасидаги юк ташувлари ҳажми 2013 йилдаги даражада сақланиб қолди ва 15,9 миллион тоннани ташкил қилди.
2014 йилда ташувлар ҳажмини ошириш мақсадида Қозоғистондан томонидан Ўзбекистондан жўнатиладиган пахта ва ўғитларга, Ўзбекистон томонидан эса Қозоғистондан келадиган ғалла ва унга туширилган коэффициентлар белгиланди.
Музокаралар дўстона шароитда кечди, кейинги учрашувни 2015 йилда Қозоғистонда ўтказишга келишиб олинди.
Изоҳ (0)