Россиянинг Екатеринбург шаҳридаги «Кольцово» аэропортида «Урал ҳаво йўллари» самолёти юк ортувчи машина билан тўқнашиб кетди. Бу ҳақда аэропортнинг стратегик коммуникациялар бўйича директори Дмитрий Тюхтинга таяниб Gazeta.ru хабар берди.
«Парвозга тайёрланиш чоғида юк ортувчи машина билан самолёт ўртасида тўқнашув келиб чиқди. Аэропорт ва авиакомпания техник хизматлари бортни кўздан кечирди. Парвоз хавфсизлигига раҳна солиши мумкин бўлган зарар аниқланмади», — деди у.
Унинг таъкидлашича, ҳодиса вақтида самолёт бортида ҳеч ким бўлмаган.