21 октябрь куни 13:54 да (Тошкент вақти билан 14:54 да) Россия Федерацияси Қуролли кучларига тегишли Ил-20 разведкачи самолёти Эстония ҳаво ҳудудига 500 метргача ичкари кирди. Бу ҳақда «Европейская Правда» хабар бермоқда.
Самолёт Эстония ҳудудида Хийумаа ва Сааремаадан ғарбда бир дақиқа давомида бўлди.
22 октябрь куни мамлакат ташқи ишлар вазирлиги Россиянинг Эстониядаги элчиси Юрий Мерзлаковни чақириб, унга норозилик нотасини топширди.
Чегаралар бузилишини Ҳаво операцияларини бошқариш бўйича Эстония маркази қайд этди. Самолёт парвоз режасига эга бўлмаган, унинг транспондери ўчирилган бўлган. Ҳаво кемаси Эстония ҳаво қатнови хизмати билан радиоалоқага киришишдан қочган.
Воқеа туфайли ҳавога Болтиқбўйида ҳаво чегаралари хавфсизлигини таъминловчи Американинг F-16 қирувчи самолётлари кўтарилди. Улар бетараф сув ҳудудида разведкачи самолёт билан визуал алоқа ўрнатди.
Изоҳ (0)