Канада парламенти яқинида яраланган аскар вафот этди, дея хабар бермоқда Gazeta.ru. У Гамильтон порт шаҳридан заҳирадаги ҳарбий хизматчи бўлган.
Аввалроқ яна икки киши отишмалар чоғида жароҳат олгани хабар берилган эди.
Оттава марказида 22 октябрь, чоршанба куни отишмалар уюштирилди. Ҳодисалар Биринчи жаҳон урушида ҳалок бўлган канадаликларга бағишланган меъморий ёдгорлик ёнида ҳамда парламент тепалигида содир бўлган.
Махсус операциялар давомида бир нафар гумонланувчи отиб ташланди. Маълумотларга кўра, у Канаданинг ислом динини қабул қилган фуқароси Майкл Зеҳаф-Бибо бўлган. Айни пайтда махсус операция давом этмоқда.
Эслатиб ўтамиз, ушбу ҳодисадан бир кун аввал Канада ички террорчилик таҳдиди паст даражадан ўрта даражага чиққанини эълон қилган эди.
Изоҳ (0)