Spirit of Piraeus савдо кемаси жамоаси Ўрта Ер денгизининг Кипрдан 64 километр масофадаги ҳудудида кема парчаларини топди. Улар 22 октябрь, чоршанба куни Ливанга йўл олган кичик самолётга тегишли бўлиши мумкин. Бу ҳақда ТАСС хабар берди.
Бортида икки киши бўлган Diamond DA42 икки моторли самолёти Пафосдан Бейрутга отланган, бироқ Ларнаки шаҳридан 72 километр масофада ортга қайрилган. Хабар берилишича, Кипр авиадиспетчерлари учувчидан бунинг сабабини сўрашган, бунга жавобан у кичик муаммо чиқиб қолганини айтган. Шундан кўп ўтмай самолёт радарлардан йўқолган.
Кипр мудофаа вазирлиги Исроил билан ҳамкорликда қидирув-қутқарув операциясини бошлаганини маълум қилди. Ливан ҳам ўз сув ҳудудида самолётни қидирмоқда.
Изоҳ (0)