Тергов ишлари Москванинг «Внуково» аэропортида ҳалокатга учраган Falcon самолёти учувчилари ҳаракатларида ҳеч қандай хатоликни топмади. Бу ҳақда «НТВ» телеканали хабар берди. «Қора қути»даги маълумотлар таҳлили экипажнинг кўрсатмалар бўйича ҳаракатланганини тасдиқлади.
Учувчилар суҳбатидан уларнинг қор тозаловчи машинани кўрмаганлигини хулоса қилиш мумкин. Шу туфайли улар тўқнашув келиб чиқмаслиги учун ҳеч қандай манёврни амалга ошира олмаган.
Эслатиб ўтамиз, 21 октябрга ўтар кечаси Total президенти Кристоф де Маржери ва уч экипаж аъзоси ўрин олган енгил двигателли самолёт «Внуково» аэропортида қор тозаловчи машина билан тўқнашиб кетиши оқибатида самолётдаги барча кишилар ҳалок бўлган эди. Ҳеч қандай зарар кўрмаган қор тозаловчи машина ҳайдовчиси эса маст ҳолатда бўлгани аниқланган ҳамда у икки суткага ҳибсга олинган эди. Ҳайдовчининг адвокати эса гумондор сурункали юрак хасталиги билан оғригани туфайли умуман спиртли ичимликлар истеъмол қилмаслигини маълум қилган эди.
Изоҳ (0)