Оқ уй вакили Жош Эрнст Корея Халқ Демократик Республикаси ҳукумати АҚШ фуқароси Жеффри Фоулни қамоқдан озод қилганини маълум қилди, деб хабар бермоқда «Интерфакс». Унинг АҚШга қайтиши масаласи билан Пентагон шуғулланади.
Фоул Шимолий Кореяда ҳибсга олинган уч америкаликнинг биридир. У яна бир америкалик Метью Миллер билан бирга КХДРга сайёҳлик визаси билан келган. Уларнинг иккаласи ҳам 2014 йил апрель ойида қамоққа олинган.
Шимолий Кореянинг «СТАК» ахборот агентлиги маълумотларига кўра, Фоул тунги клуб ҳожатхонасида Инжилни унутиб қолдиргани учун қўлга олинган ва «душманга хос ҳаракатлар»да айбланган. КХДРда диний фаолият тақиқланган бўлиб, турли давлатлардан келган миссионерлар та’қиб қилиниши ҳоллари бир неча марта кузатилган.
Изоҳ (0)