Oq uy vakili Josh Ernst Koreya Xalq Demokratik Respublikasi hukumati AQSh fuqarosi Jeffri Foulni qamoqdan ozod qilganini ma’lum qildi, deb xabar bermoqda “Interfaks”. Uning AQShga qaytishi masalasi bilan Pentagon shug‘ullanadi.
Foul Shimoliy Koreyada hibsga olingan uch amerikalikning biridir. U yana bir amerikalik Metyu Miller bilan birga KXDRga sayyohlik vizasi bilan kelgan. Ularning ikkalasi ham 2014-yil aprel oyida qamoqqa olingan.
Shimoliy Koreyaning “STAK” axborot agentligi ma‘lumotlariga ko‘ra, Foul tungi klub hojatxonasida Injilni unutib qoldirgani uchun qo‘lga olingan va “dushmanga xos harakatlar”da ayblangan. KXDRda diniy faoliyat taqiqlangan bo‘lib, turli davlatlardan kelgan missionerlar ta’qib qilinishi hollari bir necha marta kuzatilgan.
Izoh (0)