Тошкент шаҳрида 13—14 октябрь кунлари бўлиб ўтган ярмаркада 580 минг тонна Ўзбекистон пахта толасини сотиб олиш, мамлакатимизда ишлаб чиқарилган тўқимачилик маҳсулотларини етказиб бериш бўйича эса бир миллиард АҚШ долларидан зиёд миқдордаги шартномалар имзоланди. Бу ҳақда ЎзА хабар бермоқда.
Анжуман доирасида ўтган халқаро конференция иштирокчилари қарийб 50 мамлакатдан мингдан ортиқ ишбилармон доира вакиллари, экспертлар ва мутахассисларни ўзида жамлаган ушбу ярмарка 2014 йил жаҳон пахта саноатининг энг муҳим тадбирларидан бири бўлганини таъкидлади.
Ярмарканинг хорижлик иштирокчилари Ўзбекистон билан ҳамкорлик қилишга тайёрлиги ва бундан манфаатдорлигини билдирди. Улар мамлакатимиз ҳудудларининг инвестиция салоҳияти, тўқимачилик соҳасини ривожлантириш бўйича янги лойиҳалар тақдимот маросимида иштирок этди, шунингдек, Тошкент вилоятидаги «Ўзбекистон» пахтани қайта ишлаш заводи, «Тошкент-тола» пахта терминали ва «Uztex-Чирчиқ» корхонаси фаолияти билан танишди.
Изоҳ (0)