Ўзбекистон Республикаси Президенти ҳузуридаги Давлат бошқаруви академиясининг Президент ҳузуридаги Давлат ва жамият қурилиши академияси қошидаги Олий бизнес мактаби Вазирлар Маҳкамаси ҳузуридаги Олий бизнес мактаби (ОБМ)га айлантирилди. Бу ҳақда ҳукумат қарорига (pdf) таяниб Gazeta.uz хабар берди.
ОБМ бизнесни бошқариш ва корпоратив бошқарув соҳасида хўжалик бошқаруви органлари, кичик бизнес ва хусусий тадбиркорлик субъектлари учун юқори малакали мутахассислар тайёрлаш бўйича мустақил олий таълим муассасаси бўлади.
ОБМ «бизнесни бошқариш» (Master of Business Administration — MBA) мутахассислиги бўйича икки йиллик магистратура таълим дастури бўйича ўқитишнинг кундузги шакли бўйича ўқиш якуни бўйича магистр даражасини ва давлат намунасидаги диплом берган ҳолда бошқарув кадрларни тайёрлайди.
Ушбу мактаб магистратурасига очиқ танлов асосида олий маълумотга (дипломли мутахассис, бакалавр) ва олий таълим муассасасини битиргандан кейин камида уч йиллик иш стажига эга ва 40 ёшгача бўлган Ўзбекистон Республикаси фуқаролари орасидан тест синовлари ўтказиш йўли билан хўжалик бошқаруви органлари, кичик бизнес ва хусусий тадбиркорлик корхоналарининг раҳбар ходимлари ва мутахассислари қабул қилинади.
ОБМда хўжалик бошқаруви органлари, корхоналар, ташкилотлар, жумладан кичик бизнес субъектларининг магистр даражасига эга бўлган ёки дипломли мутахассис ҳисобланган раҳбар ходимларини қайта тайёрлаш ва уларнинг малакасини ошириш «раҳбар ходимлар учун бизнесни бошқариш» (Executive MBA) ихтисослиги бўйича махсус таълим дастури бўйича амалга оширилади.
Ўқиш даврида ОБМ тингловчиларининг эгаллаб турган иш ўринлари сақлаб қолинади ҳамда улар белгиланган тартибда олий таълим муассасалари талабалари учун амалдаги базавий стипендия тўловлари билан таъминланади.
ОБМга «бизнесни бошқариш» (MBA) мутахассислиги бўйича магистрлар тайёрлаш йиллик қабул квотаси сони 75 киши деб белгиланди.
2011—2014 йилларда ОБМда ўқишни муваффақиятли тугатган битирувчиларга ушбу қарор билан белгиланган намунадаги диплом берилади.
Изоҳ (0)